निजामती कर्मचारीको अभिलेख राख्ने निजामती किताबखानाका अनुसार सात हजार १९० कर्मचारी अहिले बिदामा छन् । जस अनुसार असाधारण, तलबी असाधारण, तलबी अध्ययन, बेतलबी अध्ययन र बेतलबी बिदा लिने कर्मचारीको संख्या हो । विभिन्न पाँच प्रकारका बिदाको विवरण केलाउँदा कर्मचारीहरुले कतिपय कर्मचारीले बिदा सुविधा दुरुपयोग गरेको आशंका बढेको छ ।
बिज्ञापन
किताबखानाको अभिलेख प्रणालीअनुसार तलबी अध्ययन बिदा लिने कर्मचारीको संख्या चार हजार ३० जना रहेको छ । यस्तै, बेतलबी अध्ययन बिदा लिनेको संख्या एक हजार ४ सय १६ रहेको छ । यस्तै असाधरण बिदा लिने कर्मचारीको संख्या १ हजार ३ सय ६३ जना रहेका छन । यस्तै,बेतलबी प्रसुती बिदा लिने कर्मचारीको संख्या ३ सय ७ जना रहेको निजामती किताबखानाले जनाएको छ ।
यस्तै बेतलबी असाधरण बिदा लिने कर्मचारीहरु ४३ जना रहेका छन् । बेतलबी विदा लिने कर्मचारीको संख्या १७,विशेष विदा लिने ६,पेश्की विदा लिने कर्मचारीको संख्या १ जना रहेको छ । किताबखानाको विवरण अनुसार विविध विदा उपयोग गरिरहेका ७ हजार १९० जना कर्मचारी र औषधि उपचार वापत रकम लिइरहेका ६२२ कर्मचारीहरु रहेका छन् ।
बिज्ञापन
निजामती सेवा नियमावलीमा निजामती कर्मचारीका लागि सेवामा बहाल रहेको अवस्थामा आवश्यक पर्ने विभिन्न बिदाबारे व्यवस्था गरिएको छ । नियमावलीको नियम ६२ को उपनियम ३ (क) मा ‘अध्ययन बिदा लिएको कर्मचारीले प्रत्येक ६ महिनामा आफूले सम्बन्धित अध्ययन संस्थामा अध्ययन गरिरहेको प्रमाणसहितको प्रगति विवरण पदाधिकार रहेको निकाय, सेवा, समूह वा उपसमूह सञ्चालन गर्ने मन्त्रालय र निजामती किताबखानामा पठाउनुपर्ने व्यवस्था’ छ । नियमावलीले बिदाको जानकारी किताबखानासमेतलाई पठाउनुपर्ने व्यवस्था भए पनि त्यसको पालना भएको छैन ।
बिज्ञापन
यस्तै,नियमावलीको नियम ५८ मा असाधारण बिदा लिन सक्ने व्यवस्था छ । कुनै ठुलो वा कडा रोग लागेर उपचार गर्न बिरामी बिदा वा घर बिदाबाट नपुग हुने भएमा स्वीकृत चिकित्सकको प्रमाणपत्र पेस गरी निजामती कर्मचारीले पछि पाउने बिरामी बिदा र घर बिदाबाट कट्टा हुने गरी ४५ दिनसम्म थप बिरामी बिदा पाउँछन् । यो बिदा पनि अपुग भई थप बिदा लिनुपरेमा एक वर्ष असाधारण बिदा लिन सक्ने व्यवस्था छ । त्यस्तै, नियम ६१ मा तलबी अध्ययन बिदाको व्यवस्था छ । सोही नियमको उपनियम ५ मा बेतलबी अध्ययन बिदासम्बन्धी व्यवस्था छ । यसैगरी नियमावलीको नियम ६२ मा असाधारण बिदासम्बन्धी व्यवस्था छ ।
राष्ट्रिय किताबखानाका महानिर्देशक श्रवणकुमार पोखरेलका अनुसार बिदा उपयोगसम्बन्धी अद्यावधिक तथ्यांक विभागको प्रणालीमा शुद्धता कायम गर्न विशेष कार्यदल (टास्कफोर्स) नै बनाएर अभिलेख शुद्धीकरणको काम गरिरहेको थियो । किताबखानाले कर्मचारीको सूचना तथा अभिलेख शुद्धीकरण अभियानमा साथ दिन सम्बन्धित सबैमा आग्रह गरेको छ । विभागले एक सूचना जारी गर्दै कर्मचारीसँग सम्बन्धित केही विवरण भए त्यस्ता विवरण विमागमा इमेल गर्न तथा ह्वासटपमा पठाउन आह्वान गरेको हो । विविध विदा र औषधि उपचार सुविधा लिएका कर्मचारीहरुको एक एक भौतिक फाइल परीक्षण गरिरहेका विभागले ती कर्मचारीहरुका सम्बन्धमा कुनै विवरण भए प्रमाणीत कागजातसहित इमेल गर्न वा ह्वाटसअपमा पठाउन किताबखानाले सूचना प्रकाशन गरेको छ ।
